நாகர்கோவிலில் மினிலாரி மோதி
ஐ.எஸ்.ஆர்.ஓ. பொறியாளர் பலி

நாகர்கோவில், அக்.24

நாகர்கோவிலில் மினி லாரி மோதி ஐ.எஸ்.ஆர்.ஓ. பொறியாளர் சம்பவ இடத்திலேயே பலியானார்.

நாகர்கோவில் வெட்டூர்ணிமடம் பரமேஸ்வரன் தெருவைச் சேர்ந்தவர் கார்த்திக் (48), ஐ.எஸ்.ஆர்.ஓவில் பொறியாளராக இருந்து வந்தார். இவர் இன்று விடுமுறை ஆகையால் தனது உறவினர் வீட்டிற்கு செல்ல தனது பைக்கில் வெட்டூர்ணிமடம் வந்தபோது எதிரே காய்கறிகள் ஏற்றிக்கொண்டு வந்த மினிலாரி கண் இமைக்கும் நேரத்தில் இவரது பைக் மீது மோதியது. இதில் கார்த்திக் தூக்கி வீசப்பட்டு சம்பவ இடத்திலேயே பரிதாபமாக இறந்தார்.

தகவலறிந்த வடசேரி போலீசார் சம்பவ இடத்திற்கு வந்து உடலை கைப்பற்றி பிரேத பரிசோதனைக்காக ஆசாரிப்பள்ளம் அரசு மருத்துவக்கல்லூரி மருத்துவமனைக்கு அனுப்பி வைத்தனர். விபத்து குறித்து போலீசார் விசாரணை நடத்தி வருகின்றனர்.